Kryeministri i Kroacisë, Andrija Plenkoviq, ka folur për futjen e shërbimit ushtarak në Kroaci. Plenkoviq ka treguar se ka kërkuar disa modele nga ekspertët dhe Ministria e Mbrojtjes për ta shqyrtuar.
Ai në lidhje me situatën e sigurisë ka komentuar luftën në Ukrainë, por edhe sulmin terrorist në Banjskë të Zveçanit më 24 shtator ku u vra rreshteri policor Afrim Bunjaku.
“Mund të kishte pasur një konflikt serioz, madje edhe luftë”, tha Plenkoviq, raporton “Veçernji List”. “Kjo është arsyeja pse siguria është e rëndësishme. Vendimet tona s’kanë ndodhur spontanisht, janë marrë nga një qeveri e përgjegjshme”.