Përurohen dy “E-kioska” për nxjerrjen e dokumenteve

Ferizaj, 23 qershor – Komuna e Ferizajt nga buxheti i të hyrave vetjake në vlerë prej 20 mijë eurosh ka investuar në sistemin elektronik “E-kioska”, i cili mundëson nxjerrjen e dokumenteve të gjendjes, shkruan sot Koha Ditore.

Gjatë përurimit të këtij projekti është bërë me dije se të gjithë qytetarët e Ferizajt, të cilët kanë nevojë për nxjerrjen e dokumenteve personale të gjendjes civile më nuk kanë nevojë të presin në radhë nëpër sportelet e komunës, por qytetarët mjaftojnë ta kenë letërnjoftimin për t’i kryer të gjitha shërbimet në formë elektronike nëpërmjet 2 “E-kioska”.

Mirëpo të gjithë ata të cilët dëshirojnë t’i marrin së paku pesë lloje të dokumenteve duhet me qenë të regjistruar në sistemin e ri të Ofiqarisë si shtetas të Republikës së Kosovës. Ndërkohë për secilin lloj të certifikatave do të jenë çmimet e njëjta sikur në sportele brenda komunës. Muharrem Svarça, kryetar i Komunës së Ferizajt, ka thënë se ky shërbim do të jetë mjaft i lehtë për përdorim dhe njëkohësisht funksion 24 orë pa ndërprerje.

(Artikullin e plotë mund ta lexoni në numrin e sotëm të Kohës Ditore)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.