Martin Berishaj është bërë ambasadori më i përfolur i Kosovës. Ai drejton Ambasadën në Kroaci, por këtë vit emri i tij u përmend në një skandal të shpëlarjes së parave.
Në mediumet sllovene, në prill u raportua se politikani slloven Robert Golob ka bërë transaksione nga dega serbe e furnizuesit energjetik slloven GEN-i, për te kompania e Berishajt, MB Consulting. E nga kompania e Berishajt janë nxjerrë më pas gradualisht 600 mijë euro para të gatshme që dyshohet se i janë kthyer Golobit.
Berishaj ka insistuar në pafajësi, ndërsa ndaj tij nuk morën masa as ministrja e Jashtme, Donika Gërvalla, e as presidentja Vjosa Osmani. Opozita vazhdimisht ka insistuar për ta shkarkuar dhe, po ashtu, ka paralajmëruar kallëzim penal.
Autoritetet në Malin e Zi bllokuan xhirollogaritë e kompanisë së Berishajt. E Prokuroria Speciale e Kosovës ka nisur hetimet preliminare për pastrim të parave. Po ashtu, edhe Agjencia Kundër Korrupsionit ka dorëzuar rastin ndaj Berishajt në Prokurori për mosdeklarim apo deklarim të rrejshëm të pasurisë.
-
Ambasadori Berishaj intervistohet si i dyshuar për shpëlarje parash
-
Martin Berishaj u intervistua nga Prokuroria Speciale për tri vepra penale
-
Berishaj i quan “spekulime me prapavijë politike” akuzat për shpëlarje parash
-
Berishaj: Akuzat ndaj meje janë spekulime me prapavijë politike
-
Gazetari slloven Pozhar: Çështja Berishaj mund të çojë në rënien e Qeverisë sllovene