Edhe 5 ditë kanë mbetur deri në nisjen zyrtare të fushatës zgjedhore për zgjedhjet e 11 qershorit, por partitë politikë këtë e kanë nisur tash e një kohë, raporton KTV.
Vizita të shumta janë duke zhvilluar kandidatët për kryeministër në të gjithë Kosovën.
Nga një klinikë private, Kadri Veseli paradite ka folur për rëndësinë e zhvillimit të sistemit shëndetësor dhe ka treguar që për kontroll shfrytëzon klinika private e jo sistemin publik.
Më vonë është takuar në Prizren me të rinj të këtij qyteti. Kandidati i koalicionit LDK-AKR-Alternativa, ka vizituar biznese në kryeqytet, duke premtuar lehtësime fiskale, nëse bëhet kryeministër i Kosovës.
Për përmirësim të sistemit të arsimit dhe investim në të, ka folur kandidati i Lëvizjes Vetëvendosje, Albin Kurti.
Zgjedhjet e parakohshme në Kosovë zhvillohen të dielën e dytë të qershorit.
