Përfundimisht s’ka vizë amerikane për Haradinajn, për “Lutjet e Mëngjesit”

“Ftesë kam marrë për Lutje të Mëngjesit. Qejf kam pasë me shku, i vendosur s’kam qenë ende a me shku, me këtë klimën për taksën nuk besoj që shkoj kësaj here”, kështu kishte thënë Ramush Haradinaj, kryeministër i Kosovës, më 15.01.2019.

Ambasada e SHBA-së në Prishtinë, nuk e ka mohuar se kryeministrit të Kosovës, Ramush Haradinaj, nuk iu dha viza për të marrë pjesë në Lutjet e Mëngjesit.

Në një përgjigje për KTV-në, një zëdhënës i Ambasadës shkurt vetëm ka thënë se nuk i komentojnë ftesat në këtë ngjarje, meqenëse ajo është jozyrtare.

Edhe pas kërkesës amerikane për pezullim të taksës ndaj mallrave serbe,

qëndrimi i kryeministrit Haradinaj vazhdon të jetë kundër heqjes së saj.

Në Qeveri kanë konfirmuar se kryeministri nuk do të udhëtojë në Amerikë.

Edhe Arbëri 2 j. më parë Haradinaj: Do ta shqyrtoja nëse do të propozohesha për president, s’bëhemi pjesë e Qeverisë Kurti

Ndërkaq, në SHBA ka udhëtuar presidenti Hashim Thaçi, i cili para nisjes atje e ka takuar në Prishtinë, kryeministrin Haradinaj.

Shkurt, në një njoftim, është thënë se takimi është zhvilluar në vazhdën e konsultimeve për agjendën shtetërore.

Në SHBA kanë udhëtuar edhe zyrtarë tjerë shtetërorë, përfshirë deputetë dhe ministrin e Jashtëm, Behgjet Pacolli.