Zëvendëskryeministri Besnik Bislimi ka njoftuar se është dërguar drejt Komisionit Evropian drafti i narrativit dhe tabela e plotë e dakorduar e agjendës së reformave mbi Planin e Rritjes, prej të cilit mund të përfitojë rreth 945 milionë euro.
Bislimi ka njoftuar se ky draft së shpejti do të miratohet edhe në nivel të Qeverisë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Vendi ynë është i pari në rajon i cili e ka përmbushur këtë hap dhe dërguar këtë dokument drejt Bashkimit Evropian, duke dëshmuar nivelin e lartë të përgatitjes, angazhimit e përkushtimit në avancimin e procesit të integrimit evropian dhe përfitimit nga dritarja e mundësisë që ofron kjo iniciativë e BE-së”, ka shkruar Bislimi.
Ai ka shtuar se hapi i radhës është përfundimi i listës së projekteve, ku sipas tij, puna po vijon në negociata dhe konsultime me institucionet e Bashkimit Evropian.
“Vendi ynë pritet të përfitojë nga Plani i Rritjes një shumë prej rreth 945 milionë euro, të cilat do shërbejnë në zbatimin e reformave dhe projekteve investive. Kosova në vazhdimësi po shfaq vullnetin e saj jo vetëm për integrim të plotë e sa më parë në familjen evropiane bazuar në norma meritokracie, por edhe gatishmërinë në arritjen e standardeve evropiane e përmbushjen e reformave të nevojshme”, ka shtuar ai.