Prokurori i Prokurorisë Speciale të Kosovës, Elez Blakaj, ka dhënë dorëheqje para dy ditësh nga Prokuroria. Lajmin për dorëheqjen e tij e ka konfirmuar për gazetën “Koha Ditore” kryeprokurori i Speciales, Reshat Millaku.
“Me datën 13 gusht kemi pranuar njoftimin për dorëheqjen e prokurorit Blakaj. Arsyet nuk i dimë”, ka thënë shkurt ai.
Megjithatë, burime të gazetës brenda institucioneve të drejtësisë kanë bërë të ditur se Blakaj ka dhënë dorëheqje për shkak të kërcënimeve, që i ka pranuar gjatë punës së tij si prokuror.
“Blakaj vazhdimisht është ankuar se ka pranuar kërcënime gjatë kryerjes së detyrës së tij. Është ankuar edhe për mosofrim të mbrojtjes institucionale”, ka thënë ky burim.
Gjatë tërë ditës së martë gazeta ka tentuar që të marrë një përgjigje nga Blakaj rreth dorëheqjes së tij, por ai ndonëse ka qenë i njoftuar me natyrën e pyetjeve, nuk ka shprehur gatishmëri që të përgjigjet... (Më gjerësisht lexoni në Koha Ditore)
-
Prokurori Blakaj thotë të ketë qenë i kërcënuar nga veteranët e rrejshëm, implikon Veselin e Lumezin
-
Për shkak të kërcënimeve jep dorëheqje prokurori special
-
Shoqata e Prokurorëve: Deklaratat e Blakajt për kërcënime vetëm për të mbuluar interesat personale
-
Daçiq: Blakaj dha dorëheqje se po hetonte krimet e UÇK-së
-
Prokurori Elez Blakaj, shpjegon për herë të parë në detaje arsyet e dorëheqjes së tij