Për pranimin e afganëve, Qeveria Kurti thotë se janë në bashkëpunim me SHBA-në

Për pranimin e afganëve refugjatë në Kosovë, Qeveria Kurti thotë se janë në komunikim me autoritetet shtetërore dhe ushtarake amerikane që nga mesi i korrikut.

Shefi i stafit të kryeministrit, Luan Dalipi, ka thënë për KOHËN se ka shumë punë logjistike e teknike, të sigurisë dhe sociale, që janë duke i trajtuar.

“ShBA-të janë aleati ynë kryesor dhe partneri ynë strategjik. Gjithçka do të përmbyllet mirë”, ka thënë Dalipi.

Ditë më parë agjencia e lajmeve Reuters raportoi që presidenti i SHBA-së, Joe Biden, ka zhvilluar biseda të fshehta me autoritetet Kosovën për strehimin e afganëve, që mbetën pa vendbanim pasi talibanët pushtuan vendin.