Nxënësit e shkollave të Gjakovës kanë prezantuar sot 28 libra për Bashkimin Evropian.
Prezantimi i këtyre librave është bërë për nder të 9 Majit, Ditës së Evropës. Numri i librave të punuar nga nxënësit përkon me numrin e 28 shteteve anëtare të BE-së.
Këto punime janë vlerësuar lart nga ministrja e Integrimeve Mimoza Ahmetaj dhe shefja e EULEX-it, Alexandra Papadopoulou.
Shefja e EULEX-it e ka zëvendësuar në këtë ngjarje përfaqësuesen e BE-së Natalia Apostolova, pasi që ajo kishte shkuar në një takim me deputetët e LDK-së bashkë me ambasadorin e SHBA-ve Greg Delawie.
Ministrja Ahmetaj tha se rëndësia e kësaj dite për t’u festuar qëndron në vullnetin e qytetarëve dhe fëmijëve të Kosovës për ta parë Kosovën pjesë të familjes së madhe të Bashkimit Evropian.
Edhe
Panairi i Librit hapet me mesazhe për më shumë lexim
Ndërkohë që shefja e EULEX-it, Alexandra Papadopoulou, vlerësoi punën e nxënësve dhe rëndësinë e kësaj dite duke thënë se Bashkimi Evropian është i etur që ta shoh Kosovën duke pasur sukses.
Dita e Evropës është një festë vjetore që kremtohet në shenjë të paqes dhe unitetit të këtij kontinenti, duke u kremtuar në mënyra nga më të ndryshmet nga shtetet e saj.
-
Haxhiu: Të njihet përparimi i Kosovës, duke ia dhënë statusin e vendit kandidat
-
Haxhiu: Është koha që BE-ja të bashkohet për t’i dhënë Kosovës statusin e vendit kandidat
-
Haxhiu: Një BE më e gjerë është përgjigja më e fortë ndaj atyre që duan paqëndrueshmëri në Evropë
-
Haxhiu përfaqëson Kosovën në samitin e liderëve të BE-së dhe Ballkanit Perëndimor