Kryetari i Prishtinës, Shpend Ahemti, është zotuar sot se puna e tij në kryeqytet është prioritet karshi angazhimit të tij si kryetar i PSD-së.
Ahmeti, i cili ka mbajtur një konferencë për media një ditë pas marrjes së postit së PSD-së, tha se kjo parti tashmë është forcë parlamentare.
“Ne kemi 12 deputetë dhe udhëheqim në dy komuna, Prishtinën dhe Kamenicën, që na bëjnë një prej subjekteve kryesore në vend dhe do të luajmë një rol të rëndësishëm sidomos këtë vit që po diskutohen tema të mëdha” tha Ahmeti, raporton TV Arta.
Duke folur për qeverisjen komunale, ai tha se është i kënaqur me punën e 3 drejtorëve të Vetëvendosjes, Nora Kelmendit, Yll Rugovës dhe Arben Vitisë.
“Nuk besoj se do të ketë bllokadë në Kuvendin Komunal, madje parashoh diskutim të mirëfilltë” ka thënë Ahmeti, i cili ka paralajmëruar marrëveshje koalicioni me Vetëvendosjen për ndarjen e pushtetit. Sipas tij nuk duhet të ketë luftë mes PSD-së dhe Vetëvendosjes, por të dyja bashkë duhet të luftojnë të këqijat në vend pasi që, sipas tij, në disa pika vazhdojnë të mendojnë njëjtë.
-
Ahmeti zotohet se Prishtina mbetet prioritet i tij, fton VV-në për bashkëpunim
-
Ahmeti në ditën e fundit si kryetar: Për 8 vite kemi përmirësuar dukshëm jetën në Prishtinë
-
AKR-ja pyet nëse Ahmeti është kryetar i pavarur, VV-ja thotë se ai s’e çoi deri në fund dorëheqjen
-
Ahmeti kërkon formim të shpejtë të qeverisë mes LVV-së e LDK-së
-
Ahmeti beson se AAK-PSD do të jenë Qeveria e ardhshme