Pastrohet lagjja e romëve në Mitrovicë

Është organizuar aksioni për pastrimin e lagjes së romëve afër stadiumit “Riza Lushta” në Mitrovicë, në kuadër të aktivitetit “Ta Pastrojmë Komunën”.

Në këtë aksion ishin të pranishëm nënkryetari i komunës, Faruk Mujka, drejtori i drejtorisë për Mbrojtje të Mjedisit, Asllan Isufi, ekipi i Lets do it Kosova, punëtorë të shumtë nga KRM ”UNITETI” , zyrtarë tjerë komunalë, nxënës dhe banorë të kësaj lagjeje.

Nënkryetari i komunës u bëri thirrje të gjithë qytetarëve që së pari të rrisin kujdesin për mjedisin dhe të bashkëngjiten në aksionet e pastrimit në mënyrë që së bashku të veprojmë për përmirësimin e gjendjes së mjedisit në vendin tonë.

“Ky nuk është aksioni i vetëm që e ka ndërmarrë komuna e Mitrovicës në pastrimin e kësaj lagjeje sepse ne jemi të përkushtuar që të gjitha lagjet dhe fshatrat e qytetit tonë të jenë sa më të pastërta duke e ditur rëndësinë që ka mjedisi në shëndetin tonë”, tha ndër të tjerash ai.