Ministria e Mjedisit, Planifikimit Hapësinor dhe Infrastrukturës ka publikuar aktet administrative ujore për vitin 2023, dhe të mëhershme, pas raportimeve për lëshimit në heshtje të lejes ujore dhe mjedisore për hidrocentralin “Lumbardhi 1” në Deçan për pesë vjet.
Në dhjetor, KOHA raportoi se si në heshtje dhe pa pjesëmarrje të publikut, Ministria e Mjedisit ka vazhduar me avazin e vjetër të licencimit të hidrocentraleve. Organizatat për mbrojtjen e mjedisit paditën MMPHI-në, ndërsa ministri Liburn Aliu ishte përgjigjur se leja nuk ishte dhënë fshehurazi.
Të enjten, Aliu në Facebook ka publikuar vegëzat për vendimet e lëshuara nga kjo ministri.
“Me qëllim të zbatimit të zotimit tonë, për transparencë të plotë për qytetarë, kemi bërë publikimin e Akteve Administrative Ujore për vitin 2023, si vazhdimësi e publikimit të tyre për vitet 2018, 2019, 2020, 2021, dhe 2022. Tani, në faqen zyrtare të Ministrisë, janë të publikuara të gjitha Aktet Administrative Ujore”, ka njoftuar ai.
-
Paditet Ministria e Mjedisit për lëshimin e lejes mjedisore për “Lumbardhin 1”
-
“Lumbardhi 1” heshturazi pajiset me leje ujore e mjedisore
-
Ministria e Mjedisit paditet për vazhdimin e lejeve mjedisore për hidrocentralet në Deçan
-
Salihu: Raporti i Ministrisë së Ambientit evidentoi shkeljet për hidrocentralet e Deçanit, por s’po ndërmerr hapa
-
Organizatat për mjedisin të zhgënjyera me Kurtin: Po qëndron i heshtur për shkeljet e Aliut