Pacolli thotë ka një propozim në lidhje me veteranët e rrejshëm

Zëvendëskryeministri i Kosovës dhe Ministri i Punëve të Jashtme, Behgjet Pacolli ka propozuar se nëse zbulohet se në lista ka veteranë të rrejshëm, paratë që i merrnin ata, të shkojnë tek familjet e atyre që kanë humbur të afërmit e tyre gjatë kohës së luftës.

Postimi i plotë i Pacollit në Facebook:

Shteti duhet t’ia heqë paratë veteranëve të rrejshëm dhe t’ja japë ato mjete familjeve me viktima gjatë luftës

Po ndjek me vëmendje të ashtuquajturën çështje të veteranëve të rrejshëm.

E mirëkuptoj qëndrimin e aleatëve tanë amerikanë rreth saj ; miqtë na ndihmojnë financiarisht dhe kanë të drejtë të dinë ku përfundojnë paratë e tyre. E mirëkuptoj dhe shqetësimin e shoqërisë civile. Nuk kam asnjë koment për çështjen sa kohë që po heton prokuroria, unë jam politikan dhe nuk dua të ndikoj tek drejtësia.

Por kam një propozim ;

Edhe Arbëri 22 sht 2018 Cili është propozimi i Pacollit për “zgjidhjen e listave të rreme të veteranëve”

nëse zbulohet se në lista ka veteranë të rrejshëm, unë do propozoj që mjetet që i merrnin ata, të shkojnë tek familjet e atyre që kanë humbur të afërmit e tyre gjatë kohës së luftës,

të vrarë, të zhdukur, apo të gjymtuar e dhunuar.

Shteti i Kosovës, shoqëria ja u ka borxh këtyre familjeve që kanë një, dy apo më shumë viktima. Unë vetë ndihmoj shumë prej tyre, por shteti duhet të ndihmojë institucionalisht. Kështu do të bënim drejtësi të vërtetë me viktimat e luftës.