Ministri i Jashtëm i Kosovës, Behgjet Pacolli, ka takuar ministren e jashtme norvegjeze Ine Eriksen, të cilës ka thënë se ia ka shpjeguar faktin që Serbia po provon ta bllokojë Kosovën në rrugën e integrimit evropian.
Ai ka thënë se Norvjegia është vend model nga i cili Kosova duhet të mësojë për zhvillimin dhe bashkëpunimin ndërshtetëror.
“Ky vend ka përkrahur fuqishëm Republikën e Kosovës në të gjitha etapat para dhe pas pavarësisë. Edhe sot, Eriksen shfaqi mirëkuptim total për nevojën e përkrahjes së Kosovës në proces të hapjes së mundësive të reja. Gjatë këtij takimi, znj. Eriksen i shpjegova faktin se Serbia po provon ta bllokojë Kosovën në synimin e saj të integrimit në familjen e shteteve demokratike, evropiane. U dakorduam për thellimin e bashkëpunimit mes dy vendeve dhe shpreha mirënjohje për përkrahjen e Norvegjisë në procese të afirmimit tonë ndërkombëtar. Jemi të inkurajuar me faktin se kemi miqësi dhe partneritet me vende si Norvegjia”, ka njoftuar Pacolli në Facebook.
-
Pacolli: Norvegjia do ta mbështesë Kosovën në procesin e liberalizimit të vizave
-
Norvegjia kërkon përmirësim marrëdhëniesh mes Kosovës dhe Serbisë
-
“Statuskuoja ngadalëson zhvillimin e Kosovës dhe të Serbisë”
-
Plenkoviq: Kroacia i ofron mbështetje të fortë Kosovës në rrugën evropiane
-
Pacolli fton Qeverinë të pranojë “Ballkanin e Hapur”: Kosova s’duhet të izolohet