Organizata e Veteranëve të Luftës së Ushtrisë Çlirimtare të Kosovës (UÇK), sot do t’ia dorëzojë Kuvendit të Kosovës kërkesën për ndryshim të Ligjit për Dhomat e Specializuara në Hagë.
Sipas njoftimit, kërkesa do të dorëzohet në orën 15:00.
Më herët, udhëheqës të OVL të UÇK-së kanë thënë se Specialja është gjykatë diskriminuese, pasi po merret vetëm me shqiptarët. Po ashtu, ata kanë paralajmëruar një nismë për të ndryshuar ligjin në bazë të të cilit u themelua kjo gjykatë, në mënyrë që të hetojë të gjithë, pa dallim nacionaliteti.
