Presidentja në detyrë, Vjosa Osmani do të vizitojë Shqipërinë.
Kjo është vizita e parë zyrtare e Osmani prejse o ushtron detyrën e presidentes së Kosovës.
Osmani do të qëndrojë në vizitë tre ditore në Shqipëri, ku fillimisht do të bëjë nderime te memoriali i Gjergj Kastriotit Skënderbeut në qytetin e Lezhës,
Më pas Osmani do të pritet me ceremoni shtetërore nga Presidenti i Shqipërisë, Ilir Meta dhe në orën 17:00 do të mbajnë konferencë të përbashkët.
Agjenda e plotë e vizitës Osmani në Shqipëri:
Edhe
Osmani pritet në Tiranë me ceremoni shtetërore nga presidenti Meta
U. d. Presidentja Osmani vizitë zyrtare në Shqipëri
Prishtinë, 15 dhjetor 2020 – U.d. Presidentja e Republikës së Kosovës, njëherësh Kryetare e Kuvendit të Kosovës, dr. Vjosa Osmani, nga data 16-18 dhjetor do të qëndroj në Shqipëri, në vizitën e parë zyrtare prejse e ka marrë detyrën.
Gjatë qëndrimit të saj në Shqipëri, u.d. Presidentja e Republikës së Kosovës, zonja Osmani do të zhvillojë një sërë takimesh.
Të mërkurën (16 dhjetor), në orën 13:30, u.d. Presidentja do të bëjë nderime te memoriali i Gjergj Kastriot Skënderbeut në qytetin e Lezhës.
Kurse, në orën 15:30, u.d. Presidentja, do të pritet me ceremoni shtetërore nga Presidenti i Republikës së Shqipërisë, Ilir Meta. Ndërsa, në orën 17:00, do të mbajnë konferencë të përbashkët për medie.
Edhe
Vjosa Osmani sot nis vizitën treditore në Shqipëri
Të enjten (17 dhjetor), në orën 09:30 u.d. Presidentja Osmani do të takohet me Kryetarin e Kuvendit të Shqipërisë, Gramoz Ruçi. (Vendi: Zyra e Kryetarit të Kuvendit, Kryesia e Kuvendit përballë godinës se Kryeministrisë).
Ndërsa në orën 10:15, u.d. Presidentja do të bëjë nderime dhe vendos kurorë lulesh te Varrezat e Dëshmorëve të Kombit.
Ndërkaq, në orën 12:30, u.d. Presidentja e Republikës së Kosovës, zonja Vjosa Osmani, do të mbajë fjalim në Kuvendin e Republikës së Shqipërisë.
Në orën 16:00, u.d. Presidentja e Republikës së Kosovës, zonja Vjosa Osmani do të takohet me Kryeministrin e Republikës së Shqipërisë, Edi Rama.
Të premten (18 dhjetor), në orën 10:00, u.d. Presidentja Osmani do të takohet me Kryetarin e Partisë Demokratike, Lulzim Basha. (Vendi: Selia e PD-së).
Edhe
Osmani udhëton në Shqipëri për vizitë dyditore
Ndërkaq, në orën 11:00, në Bashkinë e Tiranës do të takohet me kryebashkiakun Erion Veliaj, ku do të mbahet edhe ceremonia e dorëzimit të Çelësit të Qytetit.
Kurse, në orën 11:45, u.d. Presidentja Osmani do të ketë takim me ish-Presidentin e Republikës së Shqipërisë, Sali Berisha.
