Presidentja e Kosovës, Vjosa Osmani, është takuar në Granada të Spanjës me kancelarin gjerman Olaf Scholz dhe kryeministrin grek Kyriakos Mitsotakis.
Osmani ka thënë se ka njoftuar dy liderët për “sulmin terrorist të Serbisë dhe aktin e agresionit kundër Kosovës”.
Ajo i është referuar sulmit në Banjskë të Zveçanit më 24 shtator, ku u vra rreshteri policor Afrim Bunjaku e u plagosën tre policë tjerë. Në sulm u vranë edhe tre pjesëtarë të grupit që kreu sulm terrorist.
“Kam informuar kancelarin gjerman Scholz dhe kryeministrin e Greqisë, Mitsotakis për sulmin terrorist të Serbisë dhe aktin a agresionit kundër Kosovës. E kam cekur nevojën që Serbia të mbahet përgjegjëse për përpjekjet e saja për ta destabilizuar vendin tonë dhe gjithë rajonin”, ka shkruar Osmani në platformën “X”.
I informed @Bundeskanzler Scholz and @PrimeministerGR Mitsotakis on Serbia's terrorist attack and act of aggression against Kosovo.
— Vjosa Osmani (@VjosaOsmaniPRKS) October 5, 2023
Stressed the necessity to hold Serbia accountable for its efforts to destabilize our country and the entire region. pic.twitter.com/Oyse3SyOo3
-
Osmani: Dëshmitë kanë konfirmuar se Vuçiqi qëndron prapa sulmit terrorist në Banjskë
-
Osmani: Serbia të mbahet përgjegjëse për sulmin në Banjskë
-
Osmani në takim me Plenkoviqin: Serbia të mbahet përgjegjëse për sulmin terrorist ndaj Kosovës
-
Osmani kërkon që Serbia të mbahet përgjegjëse për shkeljen e marrëveshjes së 27 shkurtit
-
Osmani takohet me Zelenskyn