Presidentja e Kosovës, Vjosa Osmani, ka uruar të dielën Pashkët ortodokse.
Osmani ka thënë se Pashkët janë manifestim i forcës së përbashkët, humanizmit e solidaritetit, duke shtuar se sot duhet të ketë solidarizim me ukrainasit që festojnë në atmosferë të luftës.
“Gëzuar Pashkët të gjithë besimtarëve ortodoksë! Kjo festë është shëmbëllim i solidaritetit, dashurisë dhe shpresës për ditë më të mira, ndaj uroj që në çdo familje të mbretërojë paqja dhe lumturia. Pashkët janë manifestim i forcës sonë të përbashkët, humanizmit e solidaritetit, të cilat ngjallin shpresën për të ardhmen”, ka shkruar Osmani në Facebook.
E para e shtetit ka shtuar se shumë besimtarë janë duke e kremtuar këtë festë në një kohë kur paqja dhe liria në Evropë kërcënohen prej ashpërsive.
“Fatkeqësisht, shumë besimtarë e kremtojnë këtë festë në një kohë kur paqja dhe liria në kontinentin tonë kërcënohen nga tirani dhe despotë. Andaj, solidarizohemi me shumë ukrainas që festojnë sot nën atmosferën e luftës”, ka përfunduar Osmani.
-
Osmani: Qofshin Pashkët një moment reflektimi, afrimi dhe dashurie për të gjithë ne
-
Osmani uron Pashkët ortodokse: Të mbizotërojë paqja dhe respekti
-
Osmani: Festat si Pashkët, rikujtojnë se fuqia e shpresës triumfon mbi sfidat më të mëdha
-
Osmani uron ukrainasit: Kosova qëndron me ju
-
Osmani, Kurti e Konjufca urojnë Pashkët ortodokse