Kryetarja e Kuvendit të Kosovës, Vjosa Osmani, e ka pritur në një takim lamtumirës sot shefen e Zyrës së BE-së në Kosovë, Nataliya Apostolovan, me rastin e përfundimit të saj diplomatik në Kosovë.
Osmani e ka uruar Apostolovan për punën e shkëlqyer si përfaqësuese e Bashkimit Evropian në Kosovë si dhe për koordinimin efektiv ndërmjet institucioneve të Kosovës dhe BE-së.
“Kryetarja Osmani pohoi se Republika e Kosovës qëndron e palëkundur në aspiratën e saj për anëtarësim në Bashkimin Evropian. Sipas kryetares Osmani, gjatë misionit diplomatik të Apostolovës, prezenca e BE-së është ndjerë pothuajse në të gjitha fushat dhe asistenca nga BE-ja ka ndihmuar në adresimin e problematikave të ndryshme me të cilat ballafaqohen qytetarët e Kosovës në baza të përditshme. Në mesin e tyre, Kryetarja e Osmani ka vlerësuar në veçanti edhe angazhimin aktiv të Apostolovës për fuqizimin e grave dhe avancimin e të drejtave të tyre. Në fund, kryetarja Osmani i uroi Apostolovës suksese në angazhimin e mëtejmë dhe e siguroi atë që institucionet e Kosovës do të jenë mikpritëse ndaj shefes së re të Zyrës së BE-së në Kosovë për të vazhduar bashkëpunimin me BE-në”, është thënë nga zyra për media e kryetares së Kuvendit.
-
Osmani: Kosova i ka përmbushur kushtet për ta fituar statusin e vendit kandidat të BE-së
-
Osmani zotohet para Apostolovas dhe Braathut për forcim të procesit zgjedhor
-
Osmani: Përvoja e Bullgarisë, e rëndësishme për Kosovën në proceset integruese
-
Braathu thotë se OSBE do të vazhdojë ta mbështesë Kosovën
-
Osmani thotë se orientimi i Kosovës është drejt anëtarësimit në BE