Presidentja e Kosovës, Vjosa Osmani, ka nderuar veprën e ish-sekretares Madeleine Albright në dyvjetorin e vdekjes së saj.
Osmani ka bërë homazhe para bustit të Albrightin në Prishtinë të shtunën.
“Trashëgimia e saj është skalitur jo vetëm në faqet e historisë sonë, por edhe në strukturën e vendit tonë. Ne do ta kujtojmë përgjithmonë kontributin e saj të pamëshirshëm për lirinë dhe demokracinë tonë”, ka shkruar presidentja e Kosovës.
Albright vdiq në moshën 84-vjeçare.
Albright ishte sekretare në kohën kur shpërtheu lufta në Kosovë. Ajo vlerësohet se ka pasur ndikim të madh për ta bindur SHBA-në dhe botën për krimet serbe që po kryheshin në Kosovë nga ushtria dhe policia serbe.
Ajo ka qenë sekretare e Shtetit në periudhën 1997-2001, kur president i SHBA-së ishte Bill Clinton.
Albright e ka vizituar Kosovën tri herë, në vitin 1999 kur ishte ende sekretare, si dhe në vitin 2005 dhe 2019. Në vitin 2005, ajo mbajti fjalim në Kuvendin e Kosovës.
Albright ka lindur më 15 maj 1937 në Pragë. Ajo ishte gruaja e parë që mbajti postin e sekretares së Shtetit amerikan.