Presidentja e Kosovës, Vjosa Osmani, kryeministri Albin Kurti dhe kryeparlamentari Glauk Konjufca kanë bërë homazhe te varrezat e familjes Jashari në Prekaz.
Liderët politikë në homazhe janë udhëhequr nga komandanti i FSK-së, Bashkim Jashari.
Ata më pas kanë vazhduar vizitën në shtëpinë e Jasharëve.
Të njëjtit nuk janë prononcuar për media.
Sot gjatë ditës do mbahet gjithashtu seancë solemne për 25-vjetorin e Epopesë së UÇK-së.
