Presidentja Vjosa Osmani ka ftuar subjektet politike për takim të mërkurën, më 4 qershor, për konsultime për të caktuar datën e zgjedhjeve lokale.
Lajmi u bë i ditur nga këshilltari për media i Presidencës, Bekim Kupina. Ai ka thënë se menjëherë pas konsultimeve, presidentja do ta caktojë datën e zgjedhjeve.
“Në bazë të kompetencave kushtetuese, Presidentja Osmani ka ftuar subjektet politike në takim të mërkurën, më 4 qershor 2025, për konsultime për caktimin e datës së zgjedhjeve lokale. Menjeherë pas konsultimeve, Presidentja do të caktojë datën e zgjedhjeve”, ka thënë ai.
Zgjedhjet e shkuara lokale ishin mbajtur në tetor të vitit 2021.
