Kryetarja e Kuvendit të Kosovës, Vjosa Osmani në një takim me ambasadoren holandeze Gerrie Willems, bisedoi për raportet bilaterale ndërmjet Kosovës dhe Holandës.
Siç njofton kumtesa për media, u diskutua edhe rëndësia e ratifikimit të disa marrëveshjeve ndërkombëtare që ndërlidhen me rimëkëmbjen nga pandemia Covid-19 dhe të cilat ndodhen në procedurë kuvendore.
“Në lidhje me aktualitetin politik dhe zhvillimet rreth dialogut me Serbinë, u vlerësua se Kosova duhet të tregoj maturi dhe pjekuri politike. Ishte vlerësim i përbashkët se roli i Kuvendit në procesin e dialogut është krucial, në raport me rritjen e transparencës dhe përmbylljes eventuale të këtij procesi”, thuhet në njoftimin e Kuvendit.
Theksohet se u diskutua edhe perspektiva evropiane e Kosovës, për të cilën fuqizimi i sundimit të ligjit është jetik.
Në këtë takim, u fol edhe për rritjen e rolit të Kuvendit të Kosovës dhe trupave të tij në procesin e integrimit evropian, posaçërisht pas riorganizimit të fundit të Qeverisë me dikasteret që kanë mandat dhe përgjegjësi parësore integrimin evropian.
-
Osmani në takimin me ambasadorin belg e përsërit: Kosova duhet të njihet në kufijtë aktual
-
Osmani e vlerëson krucial rolin e Kuvendit në procesin e dialogut
-
Osmani pret ambasadorët e Quintit, i informon për hapat që do t'i ndërmarrë
-
Kosova dhe Belgjika diskutojnë për thellim të bashkëpunimit në drejtësi dhe siguri
-
Osmani: BE-ja t’i vlerësojë shtetet aspiruese bazuar në vepra e jo në fjalë