157 mijë euro i ka shpenzuar komuna e Skenderajt në vitin 2016, për sigurimin e lëndëve djegëse për objektet publike që i ka nën menaxhim të ngrohjes.
Ndonëse sezoni dimëror fillon tek 2 muajt e fundit të vitit, opozita e kësaj komune thotë se kjo shifër është marramendëse, pasi nuk ka pasur se ku ta shpenzojë gjithë atë lëndë djegëse, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoQazim Xani nga AAK-ja ka llogaritur të gjitha shifrat e prezantuara në raportin financiar të realizimit të buxhetit komunal për vitin 2016, e që siç thotë, është shpenzuar më shumë se që ka pasur nevojë.
LDK-ja thotë se komuna madje krenohet për këtë shpenzim, siç e quajnë ata, enorm.
Në komunë i arsyetojnë shpenzimet. Zëdhënësi i komunës së Skenderajt, Hajriz Koci, është shprehur se ky shpenzim është bërë pasi komuna ka përgjegjësi të sigurojë me lëndë djegëse të gjitha objektet publike.
Drejtuesit e opozitës në këtë komunë thonë se edhe pse e kanë ngritur mjaft shumë zërin për të kërkuar llogari për të gjitha këto shpenzime, të paraqitura në raportin financiar, ata asnjëherë nuk kanë marrë ndonjë përgjigje.