Tri partitë opozitare në Komunën e Novobërdës kërkojnë nga prokuroria zgjerim të hetimeve ndaj kryetarit të Komunës së Novobërdës, Svetisllav Ivanoviq dhe kabinetit të tij, të cilin e akuzojnë për përfshirje në nepotizëm, keqpërdorim të buxhetit dhe shkelje të tjera ligjore, raporton Koha Ditore.
Lëvizja Vetëvendosje, Partia Demokratike e Kosovës (PDK) si dhe Aleanca për Kosovën e Re (AKR) vlerësojnë se nuk ka pasur asnjë lloj efekti dënimi me gjobë në vlerë prej 4 mijë e 500 eurosh, të cilin e kishte shqiptuar gjykata ndaj kryetarit të Komunës, i cili ishte gjendur fajtor për veprën penale të keqpërdorimit dhe konfliktit të interesit vitin e kaluar.
Sipas tyre, kryetari i Komunës është duke vazhduar të sfidojë ligjin dhe se tashmë është ngritur edhe një aktakuzë nga prokuroria për keqpërdorim të pozitës zyrtare.
Këshilltari komunal nga radhët e VV-së, Abdyl Gashi deklaron se kryetari i Komunës ka vazhduar të rehatojë familjarët në institucionet publike dhe se ata kanë informata se drejtorët komunalë të cilët janë emëruar marrin paga pa vijuar procesin e punës...(Më gjerësisht mund të lexoni sot në Koha Ditore)
-
Nisin hetimet në Novobërdë, pasi kryetari Ivanoviq e punësoi gruan në Komunë
-
VV-ja ngrit padi ndaj kryetarit të Novobërdës
-
Aktakuzë ndaj Svetisllav Ivanoviqit, kryetarit të komunës së Novobërdës
-
Ngrihet aktakuzë ndaj zyrtarit të Komunës së Novobërdës që mori pagë pa dalë në punë
-
Katër zyrtarë të Novobërdës morën 13,000 euro gjatë 3 vjetëve pa shkuar në punë