Presidentja e Kosovës, Vjosa Osmani në një takim me ambasadorin e Norvegjisë, Jens Erik Grøndahl ka biseduar lidhur me situatën me COVID-19 duke e falënderuar edhe për ndihmën në menaxhimin e pandemisë dhe ngritjen e kapaciteteve për politikbërje efikase.
Bëhet e ditur në një njoftim për media se Osmani ka vlerësuar mbështetjen e Ambasadës së Mbretërisë së Norvegjisë, e cila nëpërmjet një Memorandumi të Mirëkuptimit do t’i ofrojë Zyrës së Presidentes, ekspertizë në fushën e politikës së jashtme dhe sigurisë, si dhe fushat e tjera, varësisht nga nevoja.
Gjatë takimit, Osmani dhe ambasadori i Norvegjisë Grøndahl diskutuan për vendimin e institucioneve të Republikës së Kosovës për të ofruar mbrojtje të përkohshme dhe të menjëhershme për qytetarët afganë, përfshirë edhe familjet e tyre. Teksa, ambasadori Grøndahl shprehu vlerësimin e Mbretërisë së Norvegjisë për vendimin e Republikës së Kosovës për të ofruar strehim për qytetarët afganë.
-
Kosova e SHBA-ja e shohin strehimin e afganëve si sukses të përbashkët
-
Kosnetti falënderon Osmanin për ofrimin e mbështetjes lidhur me refugjatët afganë
-
Osmani takon Grondahlin, bisedon për mundësinë e sigurimit të vaksinave anti-Covid
-
Osmani vlerëson ambasadorin finlandez për rolin në afrimin mes dy shteteve
-
Osmani: Finlanda gjithmonë krah Kosovës drejt së ardhmes euroatlanike