Makineri të tilla janë të pranishme në rrugët e Prishtinës tash e një javë - gjatë orëve të pasdites së vonë dhe mbrëmjes.
Komuna e Prishtinës ka nisur fazën e parë të dezinsektimit, e cila do të përfshijë një sipërfaqe prej 6200 hektarësh.
Ky proces, që deri vitin e kaluar ishte zhvilluar në pesë faza, këtë vit do të ketë edhe të gjashtën.
Këtë verë, është rritur edhe territori i spërkatjes me preparatin kundër insekteve fluturuese.
Pos lagjeve brenda kryeqytetit, listës së vendeve për dezsinsektim i janë shtuar edhe disa fshatra.
“Shkabaj, Bernicë e Epërme dhe e Poshtme, Barilevë, Besi, Bardhosh, Kolovicë, Prugovc, Teneshdoll, Vranidoll etj”
Sipas epidemiologut Nexhmedin Hoti, qytetarët nuk kanë nevojë të brengosen për preparatin, pasi ai nuk është i dëmshëm për njerëzit.
Edhe
Sonte fillon faza e parë e dezinsektimit hapësinor në Prishtinë
Megjithatë, ai sugjeron që gjatë procesit, bletarët të kenë kujdes të shtuar për bletët e tyre.
Dezinsektimi do të kryhet çdo ditë nga ora 19:30 deri në orë 24 – gjatë kohës kur llogaritet që mushkonjat dhe insektet tjera janë më aktive.
