Një memorandum bashkëpunimi është nënshkruar sot në mes të Zyrës së Kryeministrit dhe Parlamentit Studentorë të Universitetit të Prishtinës.
Sipas këtij memorandumi studentët e UP-së do të marrin pjesë në aktivitete të Qeverisë të Kosovës, ndërsa kjo e fundit do t'iu ofrojë mbështetje për pjesëmarrje në konferenca ndërkombëtare.
Koordinatori Nacional për Gjeneratën e Re, Avdullah Hasani tha se marrëveshja e nënshkruar sot ishte e domosdoshme për të dyja palët, pasi përmes saj studentët bëhen pjesë e aktiviteteve të Qeverisë.
"Qeveria e Kosovës zotohet se do të përkrahë të rinjtë në samite ndërkombëtare, do të përkrahë zhvillimin e aktiviteteve, kampanjave dhe fushatave sensibilizuese. Uroj që viti i ardhshëm të na gjejë duke lëvizur lirshëm në Evropë", tha ai.
Kryetari i Parlamentit Studentor, Edon Nishori bëri të ditura pikat për të cilat kanë rënë dakord me Zyrën e Kryeministrit.
Edhe
BKT Kosova dhe Fakulteti Ekonomik – Universiteti “Hasan Prishtina” nënshkruan memorandum mirëkuptimi
"Thelbësore është edhe krijimi i bibliotekave të zhurmshme në UP, ku studentët të mund të kryejnë të gjitha punimet seminarike, prezantimet duke mos dalë përtej këtij kampusi", u shpreh ai.
Ky memorandum u nënshkrua për nder të 12 Gushtit “Ditës Botërore të Rinisë”./Ksp/
