Kryetari i Gjilanit, Lutfi Haziri, ka falënderuar shtetin e Zvicrës, kryetarin e Zurich dhe presidenten zvicerane Michel Calmy Rey për ndihmën që i dhanë Kosovës në vitet 1998-99.
“Falë angazhimit të bashkatdhetarëve tanë të shumtë në shtetin e Zvicrës në bashkëpunim edhe me kryetarin e Zurich dhe me mbështetje të presidentes zvicerane, Michel Calmy Rey, kemi vendosur pllakën falënderuese në Stadhouse në Zurich”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKështu ka bërë të ditur kryetari i Komunës së Gjilanit, Lutfi Haziri, i cili ishte koordinues ndërshtetror në emër të Qeverisë së Kosovës, në këtë program të bashkëpunimit Zvicër – Kosovë.
“Me mbështetjen që kemi marrë nga udhëheqësit e Zvicrës si kryetari i Zurich, pastaj presidentja e nderuar Michel Calmy Rey, kemi arritur që pas popullit të Çekisë i cili në vitin 1968 ka vendosur pllakë të tillë, të vendosim ne pllakën e cila falënderon shtetin e Zvicrës për gjendjen e krizës në të cilën gjendej Kosova në vitin 1998-99. Me këtë rast falënderoi në veçanti Alkibut Ibalin, Ismet Abdylin, Isa Dervishin, Flamur Bajramin, Isa Maliqin dhe qindra e mijëra shqiptarë që janë heronjtë e gjallë, të cilët me punën dhe angazhimin e tyre po bëjnë që të ndërtohet e zhvillohet Kosova dhe të prezantohet në mënyrën më të mirë të mundshme gjithandej”, ka thënë kryetari Haziri.
Haziri më tej ka vazhduar me “faleminderit bashkatdhetarëve, miqve, familjarve dhe heronjeve të gjallë të Kosovës (për inati të atyre që po na përbuzin publikisht ne bashkatdhetarëve dhe pinjollve tuaj). Për Zvicrën veç një Danke!”, përfundon fjala e kryetarit të Komunës së Gjilanit.