Në vigjilje të 28 Nëntorit, kryetari i Komunës së Malishevës, Ragip Begaj, së bashku me OVL të UÇK-së, dega në Malishevë, zëvendësministrat Rexhep Mazreku (MKRS) e Çerkin Dukolli (MPMS) dhe drejtorët e drejtorive komunale, kanë bërë homazhe dhe nderime pranë shtatores së komandantit legjendar të UÇK-së, Adem Jashari në Malishevë, në varrezat e dëshmorëve në Malishevë dhe Kleçkë, si dhe në kompleksin memorial në Prekaz.
Po ashtu, në kuadër të shënimeve me rastin e 28 Nëntorit, të gjitha shkollat e Komunës së Malishevës, kanë zhvilluar aktivitete të ndryshme kulturore dhe artistike.
Në kuadër të shënimeve të kësaj feste, organizuar nga Drejtoria për Kulturë, Rini dhe Sport, janë mbajtur edhe aktivitete sportive, përkatësisht turne në futboll të vogël, shah dhe pingpong.
