-
Nga:
Dritë Slivova Polisi
- 30 mars 2019 21:00
- Shpërndaje në:
Gjashtë persona janë pickuar nga rriqrat në Malishevë, që nga data 2 mars.
Mirëpo, sipas drejtorit të Qendrës Kryesore të Mjekësisë Familjare, asnjëri nga pickimet nuk ka rezultuar me infeksion, raporton KTV.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNuhi Morina thotë se stafi i QKMF-së në Malishevë, është i përgatitur për t’i trajtuar tutje rastet e pickimit të rriqrave.
Ndërkohë, në fshatrat Balincë dhe Mleqan të kësaj komune, të mërkurën është bërë repelimi i kafshëve për parandalimin dhe luftimin e etheve hemorragjike.
Përfaqësuesi i kompanisë që merret me këtë proces, ka treguar se te kafshët do të ketë edhe dy sesione të repelimit.
Banorët e Balincës kanë treguar se ka pasur raste kur në këtë fshat kanë vdekur njerëz dhe kanë ngordhur kafshë, si pasojë e pickimit nga rriqrat.
Si formë tjetër e parandalimit të pickimit nga rriqrat, do të jetë edhe dezinsketimi në natyrë, i cili do të nisë në gjysmën e muajit maj. Për këtë, Komuna e Malishevës ka ndarë 70 mijë euro.
Nga paslufta e deri në vitin 2013, në Malishevë, 18 persona kanë vdekur nga ethet hemorragjike.Ndërsa nga viti 2014, përveç numrit të madh të pickimeve, nuk ka pasur viktima.