Pashkët bën bashkë katolikë e myslimanë në Lezhë. Nisma e tre viteve më parë është kthyer në traditë për qytetin.
Treni i Pashkës u mbush me fëmijë e vezë dhe udhëtoi në rrugët e Lezhës për ti bërë të gjithë pjesë të festës pa dallime fetare.
“Ndjehem e plotësuar dhe e kompletuar kur shoh këtë brez kështu, shpresë për të ardhmen”, thotë një qytetare për “oranews”. Një tjetër thotë se s’ka mesazh më të bukur se “Kemi Bajram e kemi Pashkë, por Shqipërinë e kemi bashkë”.
Altin Prenga i besimit katolik dhe Lirim Torba i besimit mysliman së bashku me Bashkinë e Lezhës, po e vijojnë traditën e mirë për të bashkëndarë edhe festat fetare. Ata kanë thënë se janë mësuar t’i festojnë bashkë festat dhe do të vazhdojnë këtë traditë.
Edhe kryetari i Lezhës, Fran Frrokaj, ka thënë se festimi bashkë i Pashkëve është tregues i harmonisë fetare dhe unitetit të qytetarëve.
-
Mesha e Pashkëve përcillet me thirrjen për liderët politikë që të tregojnë përgjegjësi
-
Kurti uron Pashkët: Kjo ditë le të na kujtojë rëndësinë e harmonisë mes nesh
-
Ipeshkvi Gjergji: Shqiptarinë e kemi bashkë dhe ta ruajmë
-
Në kremten e Bajramit u bë thirrje për stabilitet politik
-
“Ne jemi njerëz të vdekur”: Festë e zymtë në Gaza