Kryetari i Komunës së Ferizajt, Agim Aliu, nëpërmjet një konference për media ka prezantuar përfaqësuesit e drejtorive komunale për katër vjetët e ardhshëm, shkruan sot Koha Ditore.
Gjatë këtij mandati nënkryetar i Komunës së Ferizajt do të jetë Naim Ferati nga radhët e AAK-së, drejtor i Administratës së Përgjithshme Faruk Hyseni (AAK), drejtor i Urbanizmit Lulzim Aliu (PDK), drejtoreshë e Financave Sebahate Ajeti-Sadiku (PDK), drejtor i Infrastrukturës Arbër Bytyqi (PDK), drejtor i Shëndetësisë dhe Mirëqenies Sociale Besnik Berisha (Nisma), drejtor i Zhvillimit Ekonomik dhe Turizmit Zekir Bytyqi (AKR), drejtor i Arsimit Bashkim Hyseni (PDK), drejtoreshë e Kulturës, Rinisë dhe Sportit Xhemile Murati-Shabani (AAK), drejtor i Pronës, Gjeodezisë dhe Kadastrës Sabri Murseli (PDK), drejtor i Bujqësisë, Pylltarisë dhe Zhvillimit Rural Burim Bajrami (PDK), drejtor i Shërbimeve Publike dhe Emergjencave Arben Halili (AAK) dhe udhëheqës i kabinetit të kryetarit Selim Marevci.
Aliu ka thënë se ekipi i tij ka gatishmërinë dhe profesionalizëm për ta kryer me sukses punën e caktuar në shërbim të qytetarëve.
Ai ka shtuar se tiparet kryesore të qeverisjes së tij do të jenë transparenca dhe llogaridhënia, duke shërbyer me nder, me moral dhe integritet të lartë...(Më gjerësisht, sot në “Kohën Ditore”).