Lajmi për vdekjen e gazetarit Ibrahim Rexhepi ka pikëlluar sot kolegët e tij në Kosovë. Ai u nda nga jeta në një moshë kur pritej të jepte kontributin e tij në fushën e ekonomisë, si njëri nga njohësit më të mirë të saj.
Ibrahim Rexhepi lindi në Slivovë të Ferizajt. Shkollën e mesme e kreu në Ferizaj, ndërsa studimet në Fakultetin Juridik në Prishtinë.
Në vitin 1976 punësohet në gazetën e përditshme “Rilindja”, në fillim gazetar dhe pastaj si komentator për çështje ekonomike.
Ishte bashkëpunëtor i rregullt i revistës “Koha javore”, si edhe kryeredaktor i revistës së parë për ekonomi në Kosovë, “Afaristi”, e botuar nga Shoqata e Afaristëve të Kosovës.
Ishte edhe kryeredaktor i gazetës “Kosova sot”, pastaj gazetar dhe redaktor në “Koha Ditore”, drejtues i emisionit për ekonomi në Kohavision, bashkëpunëtor i agjencisë AIM (Paris), i gazetës “Flaka” (Shkup), i Radios “Evropa e Lirë” (Pragë), në gazetën “Zëri” dhe analist në disa gazeta të përditshme në Kosovë.
Po ashtu ka qenë trajnues i angazhuar nga Instituti i Medies i Kosovës IREX. Së fundi udhëheq organizatën joqeveritare “Stras”, qendër për hulumtime strategjike dhe soialce.
Edhe
Vdiq Rexhep Qosja
Tash disa muaj ai ushtronte funksionin e këshilltarit për ekonomi në Ministrinë e Zhvillimit Ekonomik.
Ndërkohë do të mësohet për kohën dhe vendvarrimin e tij.
