Zëdhënësi i Lidhjes Demokratike të Kosovës, Besian Mustafa, ka thënë se deri tash në takimet që kryetari i LDK-së, Lumir Abdixhiku, i ka mbajtur me kryetarin e Lëvizjes Vetëvendosje, nuk ka asnjë emër që është propozuar për postin e presidentit.
Në deklaratën pas mbledhjes së grupit parlamentar të LDK-së, Mustafa ka thënë se janë dy opsione, ose konsensus i gjerë politik me pajtim të të gjitha partive për një kandidat apo marrëveshje politike klasike mes Vetëvendosjes dhe LDK-së.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMegjithatë, ai ka vlerësuar se në ditët e fundit ende mund të ketë shmangie të zgjedhjeve.
“Qëndrimi i përbashkët i yni është se zgjedhjet janë të evitueshme dhe të shmangshme dhe të panevojshme në këtë fazë të Republikës sonë”, ka thënë ai.
VIDEO - Deklarata e plotë:
Mustafa nuk ka përjashtuar mundësinë për takime të serishme me Vetëvendosjen.
“Pushteti i ka 66 ulëse dhe në asnjë format, nuk bëhet gjë pa ta”, ka thënë ai.
I pyetur për ndonjë emër të mundshëm, përfshirë Glauk Konjufcën, Mustafa ka thënë se “zyrtarisht nuk ka një propozim”.
