Mustafa: 24 marsi i ’99-ës shënon fillimin e përfundimit të pushtimit të Serbisë mbi Kosovën

I pari i LDK-së, Isa Mustafa, përmes një postimi në Facebook ka kujtuar 24 marsin e ’99-ës si ditën e fillimit të përfundimit të pushtimit të Serbisë mbi Kosovën.

Ai, po ashtu, ka kujtuar edhe rezistencën e priru nga Presidenti Rugova, luftën heroike të nisur nga Komandanti Legjendar, Adem Jashari, si dhe vendosmërinë e paepur të popullit të Kosovës për demokraci dhe liri.

Ky është postimi i tij i plotë:

“24 Marsi 1999 shënon fillimin e përfundimit të pushtimit të Serbisë mbi Kosovën.

Rezistenca brilante e prirë nga Presidenti RUGOVA, lufta heroike e nisur nga Komandanti Legjendar, Adem JASHARI dhe vendosmëria e paepur e popullit të Kosovës, mobilizoi botën demokratike që së bashku ta fitojmë lirinë dhe ta kemi shtetin tonë.

Zoti e Bekoftë Republikën e pavarur dhe sovrane të Kosovës!”.