Kryetari i Këshillit nacional të shqiptarëve, Jonuz Musliu, ka deklaruar të martën në Bujanovc se vizita e sotme e presidentit të Shqipërisë, Bujar Nishani në këtë qytet ishte historike dhe se është fakt se presidenti respekton Kushtetutën e vendit të tij, e cila e obligon që të mbrojë të drejtat e shqiptarëve pavarësisht se ku jetojnë.
Musliu në një konferencë të përbashkët për media pas takimit me presidentin Nishani tha se vizita është sinjal se në të ardhmen problemet e shqiptarëve në Bujanoc, Preshevë dhe Medvegjë të zgjidhen me angazhimet e përbashkëta të qeverisë së Shqipërisë dhe Serbisë.
Presidenti i Shqipërisë, Bujar Nishani porositi sot në Bujanoc se marrëdhëniet e Serbisë dhe Shqipërisë janë gjithnjë e më të mira dhe se Tirana do të vazhdoj të ndërtojë raporte të mira me Beogradin.
Nishani ndodhet për vizitë njëditore në komunat Bujanoc dhe Preshevë.
Vizitën e presidentit Nishani e kanë përcjellë një numër i madh gazetarësh nga Shqipëria, Kosova, Serbia dhe Maqedonia.
-
Serbët hidhërohen pse Nishani pritet vetëm me flamuj shqiptarë në Luginë të Preshevës
-
Vizita e Nishanit në Luginë shihet e rrezikshme për Serbinë
-
Meta pret kryetarin e Bujanocit: Trajtimi i shqiptarëve të bëhet në përputhje me standardet ndërkombëtare
-
Thaçi: Musliu kontribuoi në avancimin e të drejtave të shqiptarëve në Luginë
-
Meta takon Musliun, thotë se integrimi i shqiptarëve në institucionet e Serbisë është i një rëndësie të madhe