Mungesë uniteti në Qeveri për Specialen

Në Qeveri nuk ka unitet rreth nismës për shfuqizimin e Ligjit për Gjykatën Speciale, e cila të martën pasdite ka shkuar në adresë të tyre, shkruan sot “Koha Ditore”.

Vetë kryeministri Haradinaj e ka cilësuar si jo fort të vlefshëm mendimin që do ta japë ekzekutivi për këtë çështje, duke thënë se iniciativa është “pronësi” e Kuvendit.

Pas entuziazmit të dhjetorit të vitit të kaluar, kur u tentua që Specialja të shfuqizohej brenda natës, partitë në pushtet u kujtuan se nisma duhet ta marrë edhe mendimin e Qeverisë, para se e njëjta të procedohet për votim në Kuvend.

Edhe pse Qeveria ende nuk ka marrë qëndrim zyrtar, njohës të rrethanave nuk e përjashtojnë mundësinë që Qeveria të mos japë fare mendim për nismën e deputetëve... (më gjerësisht lexoni sot në “Koha Ditore”)