Mot i vranët dhe me reshje shiu e dëbore do të mbajë të dielën në Kosovë.
Instituti Hidrometeorlogjik i Kosovës ka njoftuar se reshjet e borës parashihen të jenë më të fokusuara në viset e larta malore.
Temperaturat, të cilat pësojnë rënie në dy vlerat ekstreme, parashihet të lëvizin ndërmjet -1 deri në 3 gradë Celsius minimalet, ndërsa maksimalet e ditës parashihet të lëvizin ndërmjet 2 deri në 8 gradë Celsius.
“Kushtet biometeorologjike mbesin relativisht të mira, por jo edhe kushtet agrometeorologjike, pasi që fusha e pemëtarisë, konkretisht lulet e disa pemëve të hershme, mund të rrezikohet nga vlerat negative që parashihen në fillim të javës, të hënën dhe ditën e martë”, thuhet në njoftimin e IHMK-së.
Do të fryjë erë kryesisht nga veriperëndimi me shpejtësi 1-8m/s.