Instituti Hidrometeorologjik i Kosovës ka njoftuar se në dy ditët e ardhshme do të mbajë mot më dinamik.
Sipas njoftimit, kjo situatë meteorologjike vjen si pasojë e masave të ajrit me presion të ndryshueshëm atmosferik.
IHMK-ja njofton se parashihen vranësira të çrregullta, të cilat vende-vende do të sjellin reshje shiu.
Temperaturat minimale do të lëvizin ndërmjet 12-15 gradë Celsius, ndërsa maksimalet e ditës parashihen të lëvizin ndërmjet 25-28 gradë Celsius.
Do të fryjë erë e lehtë dhe lokalisht e fortë nga drejtimi i perëndimit dhe verilindjes.
