-
Nga:
Agim Ademi
- 17 mars 2023 20:32
- Shpërndaje në:
Inspektorati Sanitar i Agjencisë Ushqimore dhe Veterinarisë në rajonin e Ferizajt gjatë së premtes ka mbikëqyrur respektimin e Ligjit kundër duhanit. Kjo ka rezultuar me 44 inspektime në biznese dhe janë shqiptuar 12 gjoba ndaj bizneseve sipas ligjeve në fuqi.
Lamir Thaçi, zëdhënës i AUV-it, ka thënë për KOHËN se shtrirja e kontrolleve ka qenë në të gjitha komunat e rajonit të Ferizajt.
"Ndaj shkelësve të ligjit të hasur gjatë kontrolleve janë iniciuar procesverbale për gjykatë. Sipas procedurës, inspektorët kanë shkruar gjendjen faktike në procese e cila sipas rregullave ligjore shndërrohet në gjobë. Aksionet inspektuese janë bërë nën mbështetjen e Policisë”, ka thënë Thaçi.
Sipas tij, kontrolle do të ketë edhe pas orës 16:00, por edhe fundjavave.
“I ftojmë qytetarët që ta respektojnë ligjin, të ruajnë shëndetin e vet dhe atyre që i rrethojnë. Pra, zbatimi i ligjit nuk ka alternative", ka thënë më tej Thaçi.
Edhe
460 gjoba ndaj shkelësve të Ligjit të duhanit
“Në Kaçanik dhe Hani i Elezit janë realizuar 12 inspektime me 4 gjoba, pastaj në Shtërpcë dhe Brezovicë 15 inspektime me 3 gjoba. Ndërkaq në Shtime 17 inspektime me 5 gjoba", ka sqaruar Thaçi.
Ai ka shtuar se shkelësit e ligjit ishin më së shumti bizneset e kafeneve.
-
Për një ditë u dhanë më shumë gjoba për mosrespektim të Ligjit kundër duhanit, sesa për një vit
-
Për një javë u shqiptuan mbi 1750 gjoba në rajonin e Ferizajt, u pezulluan 28 patentë shoferë
-
Mbi 1,900 gjoba trafiku të shqiptuara për gjashtë ditë në rajonin e Ferizajt, 22 patentë-shoferë të pezulluar
-
Për një javë në rajonin e Ferizajt u shkaktuan 99 aksidente trafiku, u shqiptuan 1750 gjoba