Ministrja e Integrimit Evropian, Dhurata Hoxha, po merr pjesë në takimin e nivelit të lartë në Bruksel, nën organizimin e “Friends of Europe”, me temën “BE-Ballkani Perëndimor: Zgjerimi, integrimi dhe sfidat e transformimit”, njofton kumtesa ministrore, transmeton Koha.net.
Hoxha, pas diskutimit, ka takuar Christian Danielsson, Drejtor i Përgjithshëm i Komisionit Evropian për Negocimet e Përafrimit dhe Zgjerimit, dhe me këtë rast shprehu brengën e thellë të institucioneve dhe qytetarëve të Kosovës, pas paralajmërimit të vonesave për liberalizimin e vizave, të cilat i ka pritur qytetari i Kosovës, përkundër plotësimit të 95 kushteve nga udhërrëfyesi.
Ajo ka theksuar se institucionet e BE-së, duhet të trajtojnë njëjtë vendet e Ballkanit Perëndimor, sepse, sipas saj, të gjitha vendet kanë probleme dhe sfida të njëjta, Kosova nuk bën asnjë dallim, madje, shumë fusha që vlerësohen në procesin integrues por edhe nga udhërrëfyesi për liberalizimin e vizave, Kosova qëndron mjaft mirë.
Danielsson, vuri në dukje se vërtetë Kosova ka arritur progres dhe realizim të kushteve por, procedurat në BE- janë të tilla dhe ka shtuar se mbështet plotësisht lëvizjen e lirë për qytetarët e Kosovës.
-
Ministrja Hoxha në Bruksel, kërkon nga BE-ja të mos i mbajë të izoluar qytetarët e Kosovës
-
Hoxha: Zhgënjyese nëse ndërlidhet liberalizimi me vazhdimin e dialogut
-
Ministrja Hoxha skeptike se shtatori do të sjellë liberalizim vizash për kosovarët
-
Hoxha: Kemi pritur dhe duam vlerësim objektiv për vizat nga BE-ja
-
Ministrja Hoxha me studentë të huaj: BE po u bën padrejtësi të rinjve të Kosovës