Ministria e Industrisë, Ndërmarrësisë dhe Tregtisë, ka marrë vendim që të bëhet hetim zyrtar për importin e bllokave nga Serbia.
Në arsyetimin e vendimit të ministres Rozeta Hajdari, thuhet se gjetjet nga analiza preliminare tregojnë se ka elemente që importi i këtyre produkteve nga Serbia po shkakton dëme materiale përmes çmimeve dumping ndaj industrisë së prodhuesve vendorë të materialit ndërtimor nga argjila.
Sipas gjetjeve preliminare, bllokat e importuar nga Serbia po shiten më lirë në Kosovë se në tregun e brendshëm të Serbisë dhe “rrjedhimisht një import i tillë rrezikon prodhimin vendor për shkak të çmimeve joreale dhe të dampuara”.
