Komuna e Fushë Kosovës, përmes një njoftimi për media ka bërë me dije se procesi mësimor në Shkollën Fillore “Daut Bogujevci” do të fillojë nga nesër.
Përmes një adresimi për media, kryetari i komunës së Fushë Kosovës Burim Berisha në një deklaratë për mjetet e informimit publik tha se “në marrëveshje me Këshillin e prindërve të shkollës ‘Daut Bogujevci’ në Fushë Kosovë, nga nesër procesi mësimor do të zhvillohet normalisht dhe se deri në fund të javës do të gjendet një zgjidhje e pranueshme për të gjitha palët”.
“Këtë do ta bëjmë së bashku me këshillin e prindërve, dhe strukturat komunale”, ka thënë Berisha.