Më 10 tetor është paralajmëruar mbajtja në Prishtinë të Paradës së parë të Krenarisë në Kosovë e komunitetit LGBTI dhe përkrahësve, e cila do të përcillet me aktivitetet paraprake të Javës së Krenarisë më 6 tetor 2017, bëjnë të ditur organizatorët.
Pas tre marsheve, ky do të jetë viti i parë që mbahet Parada e Krenarisë e cila do të filloj në ora 11:30 në sheshin „Skënderbeu“ dhe do të përfundojë në sheshin „Zahir Pajaziti“. Pas përfundimit të paradës do të mbahet një fjalim në lidhje me ngjarjen dhe do të përfundojë me një koncert të shkurtë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMotoja e Javës së Krenarisë për këtë vit është: “Në emër të Dashnisë“. Kjo moto ka për qëllim ngritjen e vetëdijes te qytetarët për të treguar që komuniteti LGBTI ashtu si edhe gjithë shoqëria mund të duan dhe të dashurojnë, si dhe largimin e paragjykimeve që shoqëria kosovare i ka për komunitetin. Gjithashtu, ftohen institucionet relevante që të angazhohen më shumë në zbatimin e ligjeve, strategjive të parandalimit të dhunës ndaj komunitetit LGBTI dhe ofrimin e shërbimeve në mbrojtjen dhe mirëqenien e viktimave.
Në studimin e kryer nga National Democratic Institute- NDI “Hulumtimi i mendimit publik për komunitetin LGBTI në Ballkanin Perëndimor”, Kosova del të jetë vendi më homofobik në rajon, ku personat e këtij komuniteti janë të diskriminuar në të gjitha fushat e jetës. Ftohen të gjithë qytetarët e Kosovës të bashkëngjiten në Paradën e Krenarisë që kjo kauzë të bëhet më e zëshme, në mënyrë që shoqëria jonë të jetë më tolerante dhe pranuese ndaj diversitetit dhe dashnisë.
Për çdo informatë ju lutem kontaktoni në [email protected]
Organizatorë:
Qendra për Zhvillimin e Grupeve Shoqërore – CSGD
Qendra për Liri dhe Barazi – CEL
Nisma e të Rinjëve për të Drejtat e Njeriut – YIHR
Rrjeti i Grave të Kosovës – RrGK
Këshilli Rinor Kosovar – KYC
Qendra Kosovare për Studime Gjinore – QKSGj
Koalicioni Të Drejtat e Barabarta për të Gjithë – ERAC
Programi Univerzitar për Studime dhe Hulumtime Gjinore
Alter Habitus
Qendra për Art dhe Komunitet – ARTPOLIS