Po vazhdon edhe të shtunën riregjistrimi i veturave me targa ilegale në ato legale RKS.
Banorët në Mitrovicë të Veriut kanë thënë për KOHËN se po e zbatojnë ligjin si të gjithë, por nuk kanë pranuar të flasin më shumë.
Zëvendësdrejtori i Policisë për rajonin e veriut, Veton Elshani, ka thënë për KOHËN, se deri dje në orën 16:00 janë regjistruar mbi 2500 vetura, duke shtuar se edhe 800 të tjera janë para afatit të dytë.
Sipas Elshanit, mbi 3000 vetura tashmë janë me tabela RKS.
Elshani ka bërë të ditur se pas dhjetorit, veturat të cilat shihen te paregjistruara në rrugët e komunave veriore do të gjobiten me 150 euro dhe do t’i konfiskohen tabelat.