-
Nga:
Edona Kutleshi-Maliqaj
- 13 qershor 2019 08:45
- Shpërndaje në:
Ministria e Arsimit, Shkencës dhe Teknologjisë (MASHT) edhe këtë vit ka dështuar në organizimin e provimit shtetëror të maturës. Sikurse në vitet e kaluara, edhe kësaj radhe testi është shpërndarë masivisht në rrjete sociale.
MASHT-i ishte zotuar muaj më parë se këtë vit nuk do të ketë keqpërdorime në këtë test pasi do të sigurojnë zhurmues të valëve në shkolla për ta parandaluar shpërndarjen e testit përmes telefonit, mirëpo një gjë e tillë nuk ka ndodhur, shkruan sot Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMinistri i Arsimit, Shyqiri Bytyqi, ka thënë se për shkak të disa vonesave në procedura nuk kanë arritur t’i sigurojnë zhurmuesit, por që presin që këtë ta bëjnë në fazën e dytë.
Ligji për maturën shtetërore dhe një vendim i nxjerrë vitin e kaluar nga MASHT-i e ndalojnë përdorimin e telefonave në ambientet ku mbahet testimi. Megjithatë, maturantët kanë arritur që përmes telefonave ta fotografojnë testin dhe ta publikojnë në rrjete sociale nga ku i kanë marrë përgjigjet.
Faqe të shumta janë krijuar në rrjete sociale ku kërkohej që kushdo që e plotëson testin ta fotografojë dhe ta shfaqë aty.
(Artikullin e plotë mund ta lexoni sot në “Koha Ditore”)