Ministri i Mbrojtjes, Ejup Maqedonci, ka thënë se kamionët e blerë dhe të pranuar si donacion nga Gjermania janë ndër modernët, multifunksionalë dhe të dizajnuar për operacione logjistike e taktike.
Ai ka shkruar në Facebook të martën se kamionët ushtarak RheinMetall MAN HX2 ofrojnë siguri më të madhe dhe garantojnë mbrojtje në kabinë.
“Karakteristikat e reja të këtij kamioni të pastër ushtarak janë shumë mbresëlënëse. Falë sistemeve të ndryshme të asistencës, HX2 u ofron ushtarëve dhe mjedisit civil siguri më të madhe në përdorimin e përditshëm të automjeteve dhe garanton dukshëm më shumë mbrojtje në kabinë. Menaxhimi i flotës në këta kamionë gjithashtu bëhet më i thjeshtë dhe më efikas, ndërsa konfigurimi i përgjithshëm mundëson transportimin e municioneve në terrene të vështira”, ka shkruar Maqedonci.
Sipas ministrit të Mbrojtjes, Forca e Sigurisë së Kosovës është çdoherë e më shumë më e pajisur për të garantuar misionin e saj.
10 kamionë të tillë ushtarakë janë blerë nga buxheti i shtetit e 5 të tjerë janë dhënë donacion.
-
Për çka shërbejnë kamionët ushtarakë të dhuruar nga Gjermania për FSK-në?
-
Kurti për arritjen e kamionëve ushtarakë gjermanë: Mbrojtje e siguri për shtetin tonë
-
Maqedonci: Kemi ushtri që ia bën të vështirë çdokujt që synon të na kërcënojë
-
“Automjetet taktike të Mercedesit”, Maqedonci tregon për takimin me drejtorin e kompanisë gjermane
-
Maqedonci flet për situatën e sigurisë me ambasadorin gjerman