MAPL: Vendimi për këmbim të pronës së paluajtshme, i paligjshëm

Komuna e Shtimes gjatë periudhës së fundit kohore po përballet me vendime të kundërligjshme të cilat po rikthehen për rishqyrtim nga Ministria e Administrimit të Pushtetit Lokal, shkruan sot Koha Ditore.

Gjatë vitit të kaluar kësaj komune i janë rikthyer së paku pesë vendime të kundërligjshme. Një i tillë gjatë periudhës së fundit kohore të cilin e ka siguruar “Koha Ditore” pritet të rishqyrtohej në mbledhjen e radhës së Kuvendit Komunal i cili ka të bëjë për këmbimin e pronës së paluajtshme në fshatin Petrovë.

“Ministria e Administrimit të Pushtetit Lokal, pas shqyrtimit të përmbajtjes së aktit të Komunës si më sipër, vlerëson se akti i Komunës është në kundërshtime me dispozitat e legjislacionit në fuqi”, thuhet, midis të tjerash, në vendimin e MAPL-së. (Më shumë lexoni sot në Koha Ditore).