Analisti politik Agon Maliqi ka deklaruar se skenari më i mundshëm pas dështimit të njëpasnjëshëm për konstituimin e Kuvendit është formimi i një qeverie të përkohshme dhe të brishtë, që mund të zgjasë vetëm deri në pranverën e vitit të ardhshëm, kur pritet të zgjidhet presidenti i ri i vendit.
Sipas Maliqit, edhe nëse arrihet të formohet Kuvendi, nuk do të ketë një qeveri stabile apo afatgjatë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kurti është shumë i paqartë se mund të krijojë një qeveri që zgjat katër vjet. Ka hezitim për të formuar një qeveri të brishtë, e cila as nuk mund të prodhojë rezultate e as t’i shërbejë si narrativë për zgjedhje të reja”, u shpreh ai në “60 Minuta” të KTV-së.
Të martën (sot) dështoi për herë të 47-të konstituimi i Kuvendit.
Ai shtoi se edhe situata ndërkombëtare dhe rajonale ka ndikuar në këtë pasiguri politike, me kryeministrin në detyrë që, sipas tij, ka kërkuar të kuptojë më mirë pozicionet e Gjermanisë dhe SHBA-së përpara se të marrë vendime të mëdha.
“Sqarimet e Gjykatës Kushtetuese ia kanë kufizuar hapësirën Kurtit. Tash o duhet të konstituohet Kuvendi, o të shkohet në zgjedhje”, ka thënë Maliqi, duke shtuar se zgjedhjet e parakohshme nuk janë zgjidhje afatgjatë dhe nuk gëzojnë mbështetje të gjerë politike.
Sa i përket deklaratave të presidentit amerikan Donald Trump se ka parandaluar një konflikt mes Kosovës dhe Serbisë, Maliqi ka thënë se këto janë më shumë dramatizime sesa ka diçka përmbajtjesore.